原文連結 香港網上雀仔街 鸚鵡討論區 (13/2/2006) by 劍仔

今日下晝同老婆去大橋街市買餸，買完之後，行行吓經過街市出面一個雞檔，見到地上有個鐵籠裝住啲白鴿出售．

本來雞檔有白鴿賣冇乜唔妥，細心再睇真啲，發覺籠裏面嗰啲，唔係平時買嚟煲燙嘅白鴿，而係一共13隻, 每隻都戴有香港賽鴿會腳環嘅賽鴿，隻隻都養得好靚，但係又好可憐，佢地本來係可以喺天空中自由自在咁飛翔嘅 ，點估都估唔到，因為禽流感而被主人將佢地賣落街市，佢地真係好無辜，點解佢地個主人會咁忍心，咁嘅事都做得出嘅？如果真係冇辦法再養，將佢地人道毀滅點都好過俾人攞嚟煲湯啩。

見到啲咁嘅情形，好想買晒佢地俾朋友飼養，等佢地逃過被宰殺厄運，但係政府要養飼者每年交一萬蚊領牌先至可以養，咁咪即係叫人唔好養，唉！真係有心無力，想幫都幫唔到，個心好唔舒服。